Ba sukut dunya pemerindang, dia aku deka ngemai bala pemacha bekelala enggau raban band ET. Aku udah nyemput sida ari raban ET ba dalam Penemuruai e-Mag, Volume 4 dikena sida mantaika album kedua ti baru udah pansut. Sama-sama mih kitai nyukung industri musik iban rebak baru.
Ethnic Transmissions (ET) tu mih band Iban alternative/indie ti udah digaga ba taun 2004 sereta bepun ba menua Kuching, Sarawak. Bala sida penekebang dalam band ET tu iya nya Macmillan Jua Lungan (penyanyi enggau pemain gitar), Dennis Jonathan Fraude (pemain keyboard), Daniel Ading (pemain gitar lead), David Barieng Jacques (pemain drum) enggau Norman Ading (pemain gitar bass).
Ba dalam kandang taun 2003, sida Mac enggau Dennis sigi udah ngemeranka dalam konsep nu-metal band Pike lalu mega ngujika lagu alternative rock iya nya lirik ti ditulis dalam jaku Iban ti dikangau ‘Ngarap’ laban ti deka meda gulai diantara dua konsep nya. Pengawa ti digaga tu nyau nyadi. Dalam taun 2004, Mac udah dikangau belakun ba Iban telemovie iya nya ‘Lagu Sayau’ ari siti kompeni menua kitai. Pia mega iya diasuh sida ngarangka lagu sereta udah nyadi siti lagu ba dalam jerita nya. Lagu keterubah iya nya ‘Engka’ mih ti udah nyadi siti lagu dalam jerita nya. Pengudahnya David enggau Susanna udah nyadi kaban dalam band lalu mega sida nubuhka band Ethnic Transmissions (ET). Pengengka ari nya, dua iti lagu enggau tebah akustik ba dalam lagu ‘Engka’ udah dirikut sereta disempulangka sida dalam siti mini album ti benama ‘Engka’. Album nya tadi udah dikeluarka ari sida empu ba label rekod ti benama Fish*Farm Record ba bulan Disember taun 2007.
Ba bulan September taun 2008, Ethnic Transmissions udah dipaduka sereta udah menang anugerah ba ketegori penyanyi baru lelaki ba lagu ‘Engka’ lebuh maya pengerami besai Anugerah Muzik Dayak (DAMA). Udahnya Susanna ngelekaka diri ari band ET lalu Norman nangkir nyadi urang baru ba dalam band nya.
Ba bulan November taun 2008, lagu ‘Engka’ mengkang nyadi lumbur 1 dalam beberapa minggu ba carta Miri FM lagu tebilang iban. Nyadi tu ngejungka ET dipaduka nyadi siku finalis ba dalam Miri FM Anugerah Juara Lagu Tebilang Iban ti udah dirami ba bulan Julai taun 2009.
Ba taun 2010, sida ET tu tadi udah mega dipaduka ba dalam lagu iban tebilang iya nya ba kategori kediri ba lagu ‘Semina ke Nuan’ lebuh maya pengerami Anugerah Muzik Dayak.
ET ngarapka ulih nambahka macham utai dalam ngenengahka bida ba muzik kitai ari Sarawak sereta ngarapka anembiak rebak baru kitai baka penulis lagu, penyanyu, band, label ngerikut sereta produser ulih mansang dalam Evolusi iya nya Revolusi dalam industri. Kelimpah ari nya sida ET ngarapka muzik sida ulih ngenataika leka jaku nuju sida ti sanggup ninga enda ngira bansa tauka basa ti dikena.
Tebah lagu sida tu lebih agi ba tebah lagu nyau ka sebaka sida band Gin Blossoms, 3rd Eye Blind, Mew, Def Leppard, Coldplay, Taking Back Sunday, Paramore, Nidji, Jimmy Stereophonics, Dream Theatre, Classic Crime, The Ataris.
Ethnic Transmissions (ET)- Ba Album Kedua
Album ti benama Ethnic Transmissions ngambi masa dalam kandang 3 taun dikena ngaga lapan iti buah lagu iban sereta bisi siti lagu dalam jaku ribai. Semua batang pengawa ari ngerikut nyentukka konsep sigi digaga ari ET diri empu sereta ngeluarka label diri empu iya nya Fish*Farm Records.
Konsep ti diketengahka ba dalam album ti kedua iya siti jerita ti madahka mayuh peringkat dalam kaul diantara sida ti agi bujang enggau dara. Jerita tu madahka ari pun sida betemu sereta bisi pengerindu enggau pangan diri.
Lebuh maya ngasaika pengeringat diri nyau ngasuh pengelenyau kesemua iya. Nama utai ti deka diterima sereta naka ulih tetemuka pengerindu ti baru. Tiap lagu ti bisi ba dalam album nya madahka tiap peringkat ba dalam pekara bekaul sereta kesemua lagu nya nitihka susun atur ti ngasuh bala peninga nemu jerita dalam lagu.
Produk
Album ti kedua dijual dalam CD ti berega RM20/siti sereta mina bisi ba palan bejual di menua:
Kuching
Crossway Bookstore (ba sepiak Tun Jugah mall)
ZOSO Music – 2nd floor The Spring Mall & Jln Rock/Jln Laksamana Cheng Ho ( sepiak Maybank)
Sibu
Swaylin Music Production, Jln Mission (bedepan enggau pasar maket Sibu).
Bintulu
Pegari Gallery Café/Pegari Iban Production – Kemena Commercial Center, Tanjung Batu
ZOSO Music – Medan Jaya
Miri
Merry CD & Cassette centre – E-mart & 1st floor, Imperial mall.
CD nya mega ulih diudar ngena chara pos ba rega ti sama (rega pos disengkaum). Deka ngudar chara pos ulih mega berandau enggau sida Ethnic Transmissions ba Facebook, myspace tauka e-mail sida ba ethnictransmissions@gmail.com
No comments:
Post a Comment