Penemuruai Visitors:

Penemuruai e-Mag Apps

Penemuruai e-Mag
Powered by Conduit Mobile

Tuesday, April 5, 2011

The Second Highest Trade in The World After Drug: WILDLIFE

Ba menua Singapore din bisi udah urang bejual asil jelu babas ti ditagang ngena chara internet kena menuhka peminta pemeli. Asil jelu babas nya baka tanduk chemaru, kulit jelu mayau udah kala ditayangka ba internet laban kena ngelaku ke iya . Nyadi nya jaku tangkan ari Grace Ge, siku urang ti bepangkat besai ba International Fund for Animal Welfare (Ifaw) iya nya nguruska senentang pengelikun jelu babas.

Sida ti bejualka asil jelu babas tu enda ulih ditemu laban chara sida ngena online nya majak laju sereta enda ulih ditemu bekau sida ti ngereja penyalah. Nitihka padah sida ti udah enggau konferen IFAW taun 2008, dia penyampau asil jelu babas udah didagang dalam internet nyau deka tiap ari. Tambah mega pansik sida madahka bisi 7,122 iklan bejual jelu babas dalam internet udah dipantaika. Pansik tu dipejalaika dalam taun 2008 pengelama 3 bulan aja ba menua baka Amerika Syarikat, China, Australia, sereta sekeda menua Europe.

Dalam nya mega, Amerika Syarikat menua ti balat bendar bejualka jelu babas dalam chara iklan di internet, iya nya 70.5 persen dititihka menua Britain 7.7 persen enggau China iya nya 7.6 persen. Enti dipulaika ngagai penyampau duit bisi dianggarka US457,000. Dipelabaka rega ti nyengala nya engka lebih besai laban bisi setengah laban web enda ngayanka rega asil jelu babas.

Lebuh maya konferen nya mega sida aktivis rindu agi deka begerempung kena ngemutarka penanggul nyaga jelu babas bebanding ngaga konflik enggau bala sida bejual ubat baka Ubat Asal Cina (Traditional Chinese Medicine).

Direktor ekskutif Animal Concerns Research and Education Society (ACRES) Louis Ng madahka chara ti ke udah enda ulih ngemutarka penanggul nya sereta mesti begerempung enggau sida Ubat Asal Cina (Traditional Chinese Medicine).

(Artikel ari Suratkhabar The Borneo Post, A2, World, 18 Januari 2010, Ari Satu)

 

No comments:

Post a Comment